Sugod karon adlawa, January 25, 2020, ipatuman na sa Lokal nga Kagamhanan sa Naga ang “NO ID, NO BUSINESS” Policy alang sa tanan manindahay ug street foods ug tubig sa baywalk area, niining dakbayan.

Ang ID nagpamatuod nga ang tindera o tindero ni saad nga motuman sa mga balaod ug regulasyon sa pagpaninda. Ang ID nihatag usab ug kaseguradohan nga luwas ug limpyo ang ilang mga gipaninda nga mga pagkaon ug tubig tungod kay ni-agi ni sila ug “Practicing Proper Hygiene Seminar”, usa ka requirement haron ma-isyuhan sila ug ID. Dili sila makabaligya ug bisag unsang pagkaon o tubig kung walay ID.

Matud ni Mayor Val Chiong, ang ID System usa ka pamaagi sa pagmonitor ug pagsiguro nga limpyo ang pagkaon ug tubig nga gibaligya sa baywalk

Alang sa dugang kasayuran o pangutana, bisitaha ang City Information and Community Relations Department (CICRD) nga naa nahimutang sa ikaduhang andana sa City Hall sa Naga, o tawag sa telepono, 27266-56 local 155/158.