PUROK KO, BANTAYAN KO. Ang mga Kapitan sa Barangay, ingon man mga konsehales, kusganon nga gi-awhag nga padayon nga mag mabinantayon sa mga agi-anan sa ilang barangay aron ang dili taga dinha, dili lang una makasulod kay ubos man kita sa Enhanced Community Quarantine (ECQ).

Sa samang higayon, ang mogawas sa barangay ma-monitor pud kon ngano nga mogawas, para lang sa importante nga katuyuan subay sa HQP.

Gani, ang atong Home Quarantine Pass (HQP) para ra man kana pagpamalit ug pagkaon, uban pang gikinahanglan sa balay ug tambal. Inig human, balik na ang nipalit ngadto sa balay niya, ug dili mag suroy-suroy o mamisita ba kaha.

Sa matag adlaw nga Dominggo, mas hugtan nato nga walay manggawas sa mga kasilinganan kay Expanded ECQ Day kana, sumala sa EO 100 ni Mayor Kristine Chiong. Adlaw kana nga ang tibuok Naga manglimpyo, mag-disinfect ug i-fully enforced ang STAY-AT-HOME order.

Mahimo pud nga magpa-asister ang barangay kapitan sa dili molapas ug tag-duha ka mga opisyales/miembro sa purok nga mobantay sa agi-anan sa purok o interior nga karsada sa barangay, kon gikinahanglan.

Kon dunay estranghero, ato siya ipahibalo sa kapitan, aron mahatud sa gigikanan, sa inamigo ug tarong nga paagi.

Pinaagi sa pag-giya ni kapitan ug mga konsehales, magtinabangay kita aron dili makasulod si COVID sa atong Purok. Bantayan ta ang mga eskina ug agi-anan, 24 Oras.

#NagaBatokCOVID
#NagaPuyoSaBalay
#PurokNagahanon

Stay home and stay safe

NAGAHANON