MINI-BUSES SUGOD NA UG SERBISYO: Nagsugod na ug dagan karong adlawa ang upat ka mini-buses nga gihangyo sa City Government ug gitugutan sa Land Transportation Franchising and Regulatory Board (LTFRB) para moserbisyo isip pampublikong transportasyon dinhi sa atong dakbayan. Si Gov. Gwen Garcia mao ang ga-organisar sa mga tag-iya sa mga mini-buses para moserbisyo sa mga lungsod sa Probinsya sa Sugbo.

Duha ka mini-buses ang mobiyahe sa Naga-Uling nga rota diin PhP 30.00 ang pletihan ug adto kini mag-atang duol sa Metro Naga. Aduna say tag-usa ka unit para sa Naga-Langtad (Bagsakan) ug Inayagan-Naga (atbang simbahan) diin PhP 20.00 ang minimum nga plete. Ang mga mini-buses mo byahi 6:00 sa buntag hangtod 6:00 sa gabii. Adto ra kini mohunong sa mga gitagana nga bus stop sa matag barangay.

Sa wala pa sila nagsugod ug byahe, gipahimangnoan una ni City Administrator Engr. Arthur S. Villamor ang mga drayber ug konduktor sa striktong pagpatuman sa physical distancing sa ilang mga unit. Kadto lang adunay Home Quarantine Pass (HQP), Company-Issued ID ug Certificate of Employment ug kinahanglan nagsul-ob ug mask ang pwede makasakay.

#NagaBatokCOVID

Stay home and stay safe

NAGAHANON