Nagpadala ug 2,900 ka mga food packs nga relief assistance ang City Government para sa mga biktima sa Super Bagyo nga “Rolly” ug “Ulysses” didto sa Bicol Region. Aduna usab mga pribadong donasyon, in-kind, gikan sa mga banay nga Nagahanon.

Sakay sa C-130 Military plane, ang AFP-Central Command ang mopahigayon nga maapod-apod kini sa mga labing nanginahanglan ug tubig mainom ug pagkaon sa mga kaigsoonan natong Bicolano.

Mapasalamaton si Mayor Kristine kang OPAV Sec. Michael Dino ug Asst. Sec. Girlie Veloso nga nakig alayon sa AFP-Central Command aron dunay kasakyan ang mga relief goods.

Sa makausa pa, napakita na usab ang diwa sa pagtinabangay: mga kawani sa GSO, CPDC, CDRRMO ug uban pang opisina sa LGU ang nag pack, mga uniformed personnel sa PNP-City of Naga, BFP-City of Naga, BJMP-City of Naga ug PCG –City of Naga Substation nga gipanguluhan ni Chief of Police PLTCOL Florendo Fajardo ug Fire Marshall Insp. Frances Marie Sendrijas kinsa nangunay ug tabang-alsa sa mga hinabang.

Si City Consultant Junjie Cruz, kuyog nila ni City Councilors Letty Abangan, Ahmen Lapitan, Boy Resaba, Josie Dakay, Charmaine Navarro ug CDRRMO Head Ritche Cabigon ang mi-representar kang Mayor Kristine ug sa mga Nagahanon sa pag-turn over sa Relief Assistance ngadto kang Col. Gerry Besana sa Civil Military Operations Office, AFP-Central Command.