Bisan paman sa taas-taas nga bakasyon, nagpadayon gihapon ang atong COVID-19 Education Center sa pag-edukar sa mga Nagahanon nga nakalapas sa mga gipatuman nga Health and Safety Protocol batok COVID-19.

Gi-report sa COVID-19 Task Force atol sa meeting niadtong Martes, Enero 5, 2021 kabahin sa pag-ubos sa mga violators nga gipangdala sa COVID-19 Education Center diin adunay 33 ka mga violators ang gi-edukar gikan sa Disyembre 28 hangtod Enero 3, 2021.

Nag-una na karon ang kalapasan sa physical distancing nga nakatala ug 30 diin kasagaran gumikan sa overloading samtang nikunhod ang wala magsul-ob og face mask nga adunay 3.

Atong panghinaot nga usa kini sa timailhan nga ang mga Nagahanon nisunod na gayud sa mga patakaran batok COVID-19. Bisan paman niini, padayon gihapon ang subsub nga pagpatrolya sa atong COVID-19 Task Force Enforcement Team aron mapatuman ang hingpit nga implementasyon sa mga health and safety protocols.