Atol sa senimana nga City COVID-19 Task Force meeting nga gipanguluhan ni Mayor Kristine, nareport nga ang City of Naga COVID-19 Education Center naka-edukar ug 127 ka mga violators sa atong upat ka mga Clustered Education Centers gikan sa Enero 4 hangtud Enero 10, 2021.

Nag-una ang wala pagtuman sa physical distancing nga nakatala ug 71 diin kasagaran gumikan sa overloading, nisunod ang wala magsul-ob ug face mask, 44 ug nakalapas sa curfew, 12.

Gi-awhag ang tanan nga dili gayud mokompyansa kay ang hulga sa COVID-19 anaa pa gihapon sa atong palibot. Ma anaa may bag-ong variant sa COVID-19 o wala, kooperasyon ug pagtuman sa mga health protocols lang gihapon ang labing epektibo para masanta ang pagkuyanap niini.