Gipanghatag na ang mga Sugbo Negosyo Coupons ug Kits ngadto sa mga benepisaryo nga nakapasar sa requirements ug screening nga gihimo sa Sugbo Negosyo Assessment Committee. Ang pagpanghatag gibuhat sa Carcar City Hall kaganihang buntag, Enero 20, 2021.

Ang coupons mao ang gamiton sa mga benepesaryo para ipangumpra sa mga accredited nga mga tindahan sa Sugbo Negosyo.

37 nga Nagahanon micro-entrepreneurs ang nakapasar sa criteria para sa maong programa nga gipasiugdahan sa Cebu Provincial Government kauban sa Mandaue Chamber of Commerce and Industry (MCCI) ug inabagan sa Department of Trade and Industry (DTI) aron matabangan ang mga micro-entrepreneurs nga makabangon gikan sa mga epekto sa COVID-19 pandemic. Gi-implementar kini sa 1st District pina-agi sa opisina ni Bokal Raul Bacaltos.

Ang pangpanghatag sa coupons ug kits gitambungan ni Vice Mayor Virgilio Chiong ug City Councilor Justino Dakay isip representante ni Mayor Kristine ug sa City Government.