Nagpadayon gihapon ang City Government sa striktong pagpatuman sa health and safety protocol kontra COVID-19.

Atol sa senimanang meeting sa City COVID-19 Task Force nga gipanguluhuhan ni Mayor Kristine, na-report nga adunay 264 ka mga violators ang na-edukar sa atong upat ka mga Clustered City of Naga COVID-19 Education Centers gikan sa Enero 25 hangtud Enero 31, 2021. Gi-edukar sila kabahin sa mga health and safety protocols.

121 sa mga dinakpan ang wala nituman sa physical distancing, 120 ang wala magsul-ob sa ilang mga face mask ug 23 ang nadakpan tungod wala nisunod sa oras sa curfew.

Gi-awhag ang tanan nga dili gayud mokompyansa kay ang hulga sa COVID-19 anaa pa gihapon sa atong palibot. Ma-anaa may bag-ong variant sa COVID-19 o wala, kooperasyon ug pagtuman sa mga health protocols lang gihapon ang labing epektibo para masanta ang pagkuyanap niini.