Ang City Government pinanguluhan ni Mayor Kristine mi turn-over ug lamesa ug mga monobloc nga lingkuran isip purok assistance ngadto sa 489 nga aktibong Purok sa Naga. Si City of Naga Purok Federation (CNPF) President Lino Mangolari uban sa mga Barangay Purok Federation President sa 28 ka barangay mao ang nidawat isip representante sa matag Purok sa dakbayan.

Ang mga miyembro sa CNPF nakadawat pud ug honorarium nga ₱ 1,500 apil usab nga hatagan unya ang mga purok president sa tagsa-tagsa ka purok sa Naga.

Si Mayor Kristine ni-ambit sa iyang dakong pasalamat sa suporta, tabang ug kooperasyon nga gihatag sa mga purok ngadto sa City Government hilabi na sa aspeto sa edukasyon, pagpanglimpyo, ug pagpatuman sa mga lakang batok COVID-19.

Agi og pasalamat sa iyang kanunayng pagsuporta ug pagsalig sa mga purok, nihatag sab ang CNPF og bouquet of roses ni Mayor Kristine.

Ang turn-over gisaksihan sa tanang City Councilors ug sa 28 ka mga Punong Barangay sa Naga.

Padayon Purok Nagahanon!