Si Mayor Kristine Vanessa T. Chiong kauban ang mga City Councilors pinangunahan ni Bise Mayor Virgilio Chiong ang nanguna sa pagbendisyon, inagurasyon ug turn-over sa mga nahuman nga infrastructure projects sa City Government karong adlawa, Pebrero 5, 2021.

Ang mga proyekto nga gi-inagurahan mao ang 1.6 kilometro nga road concreting sa kalsada nga nagsumpay sa Purok Sagrada ug Purok Asyang sa Barangay Alpaco, Multi-purpose Covered Court sa Uling Elementary School nga pwede usab makagamit isip Evacuation Center. Duha ka building sa Bagsakan Center nga adunay 54 ka stalls, Footbridge nga nagsumpay sa Bagsakan ug sa Naga People’s Market, bag-ong stall sa Boardwalk ug Boardwalk Expansion (Phase 1) sa Barangay East Poblacion.

Ang Boardwalk Expansion abli na sa publiko apan istrikto gihapon nga ipatuman ang mga lagda sa health and safety protocol kontra COVID-19. Samtang sirado pa una ang pikas nga bahin sa Boardwalk para sa preventive maintenance.