Naluwas sa mga residente sa Purok 4 Seaside, North Poblacion ug sa Bantay Dagat-Naga ang 5 ka tawo (usa ka pamilyahan) ganihang 4:00 sa hapon human sa kapin duha ka oras nga pag utaw-utaw sa kadagatan dapit sa KEPCO tungod sa pagkalunod sa pumpboat nga ilang gisakyan.

Sigon ni Gylmer Del Socorro ang padre de pamilya nga taga Purok Talong 3, South Poblacion, padulong na sila pauli gikan sila sa Palm Beach, Minglanilla kuyog iyang asawa ug tulo ka anak dihang natikyaob ang gisakyan nila nga pumboat tungod sa hapak sa dagkong balod dapit sa kadagatan sa Barangay Colon mga 2:00 kapin sa hapon.

Human sila naluwas, gidala sila sa atong CDRRMO personnel sa City Infirmary para machek-up ug gihatod ra usab sa ilahang panimalay human nasuta nga wala ray naunsa sa tanang miyembro sa pamilya.

Daghang salamat sa mga residente sa Purok Seaside 4, North Poblacion nga nitabang ug rescue, Bantay Dagat-Naga, CDRRMO-Naga ug City Infirmary Team!