Mapasalamaton ang City Government sa inyong ma-initong paghangop ug pagsuporta sa Naga-Barter Shop, usa ka physical depository alang sa single-use plastic diin ang mga Nagahanon makapa-ilis sa ilang plastic waste ug mabaylo-an kini og produkto sama sa bugas, prutas, utanon ug City of Naga eco-bag. Subay kini sa No “Single-Use Plastic” Policy nga gipatuman na sa dakbayan kada-adlaw sugod Enero 1, 2021 sumala sa City Ordinance 2020-15.

Sulod sa tulo (3) ka semana sukad sa pag-abli, aduna nay 6,140 kilos nga plastic waste ang gipa-ilisan sa barter shop.

Haron molahutay ang programa ug daghan pang Nagahanon ang maserbisyohan sa Naga-Barter Shop, aduna kita’y revised guidelines nga mao ang mosunod:

Requirements:
1. Household Card
2. Community ID (City of Naga ID)
3. Purok Certificate

Reminders:
1. Ang pagpa-ilis og plastic sa kada household magbase sa Market Day Schedule sa imong barangay.

2. Dili molabaw sa 8 kilos ang pa-ilisan nga plastic waste sa matag household kada buwan.

3. Kinahanglan uga ug limpyo ang mga plastic.

4. I-lain ang tabon/caps sa mga plastic bottles.

Sa dugang kasayuran, tawag sa City SWM Board Technical Secretariat sa 272 6655 local 158 o C-ENRO sa local 162.

Dali na Nagahanon, Plastik mo, Paliton ko!