Nibisita sa opisina ni Mayor Kristine ang mga nakadaog sa City of Naga Search for HIV/AIDS Ambassadors nga sila si Ultimate HIV/AIDS Ambassador RK Villareal, Ambassador Michael Coscolluela ug Ambassadress Ma. Catherine Opura.

Gipa-ambit ni Mayor Kristine ngadto sa mga ambassadors ang gi-plano nga mga kalihukan sa City Government para mas mapalig-on pa ang programa mahitungod sa HIV/AIDS hilabi na sa aspeto sa Information, Education and Communication. Dugang pa sa mayor nga mapugngan ang HIV/AIDS basta ang usa ka tawo mohimo ug mga responsableng desisyon.

Gihangop ni Mayor Kristine nga makigtambayayong sa mga ambassadors para mo-abag ug awhag sa mga Nagahanon nga suportahan ang mga programa sa City Government kahabin sa HIV/AIDS.

Kinsa kadtong gusto makapahimulos sa libre, dali ug kompidensiyal nga HIV / AIDS screening, mahimong mobisita sa City of Naga Social Hygiene Clinic sa Vicente Mendiola Center for Health (VMCH). Mahimo pud sila nga mopahigayon ug house visit.

Para sa mga pangutana text o tawag lang sa atong HIV City of Naga Focal Person Yeyet sa 0956 712 0511/0922 531 6500 o padala ug mensahe sa City of Naga HIV Response Team FB page para sa mga pangutana —> http://bit.ly/CityOfNagaHIVResponseTeam.

Nagahanon mas nindot kung makahibalo mo kung unsa gyud ang inyong label busa pa HIV/AIDS screening na!