Na-report sa City COVID-19 Task Force atol sa ilang regular nga panagtigum gahapon, Pebrero 8, 2021 nga adunay 91 ka mga violators ang nadakpan kabahin sa striktong pagpatuman sa City Government health and safety protocol kontra COVID-19.

Sa Pebrero 1 hangtud Pebrero 7, nakatala ang atong 4 ka mga Clustered City of Naga COVID-19 Education Centers og 60 ka mga dinakpan tungod wala magsul-ob sa ilang mga facemask, 22 ang wala nituman sa physical distancing ug 9 ang nadakpan tungod wala nisunod sa oras sa curfew.

Gi-awhag ang tanan nga dili gayud mokompyansa hilabi na karon nga nagkata-as na sab ang kaso sa COVID-19 sa atong dakbayan. Ma-anaa may bag-ong variant sa COVID-19 o wala, kooperasyon ug pagtuman sa mga health protocols lang gihapon ang labing epektibo para masanta ang pagkuyanap niini.