Nagpatrolya ug garekorida ang atong CDRRMO personnel sa mga barangay nga adunay dakong risgo sa pagdahili sa yuta o bato isip pagpangandam sa Tropical Storm Auring.

Gipanghimangnoan nila ang mga residente nga magbinantayon kanunay ug dili mokompyansa hilabi na nagsugod na ang mga pag-uwan ug gi-awhag nga mohiklin una sa mas luwas nga lugar.

Sa samang higayon, nipahigayon usab sila ug mga pre-emptive evacuation inabagan sa atong CSWDO.

Kung adunay emerhensiya, sangpit dayon sa inyong Barangay DRRM Committee ug tawag sa atong City DRRM Office nga andam moresponde 24/7 sa mga numero 489-4155, 0916 361 4638 (GLOBE) o 0908 413 7220 (SMART)