Walay na-angol sa sunog nga nahitabo sa usa ka balay nga naka-apekto og usa ka pamilyahan sa Barangay West Poblacion, City of Naga kaganihang udto sigon sa BFP-City of Naga Fire Station. Nadawat nila ang alarma 12:28 sa udto nga gi-isa sa 2nd alarm ug gi-deklarar nga fire out sa atong kabomberohan pagka 1:47 sa hapon.

Sa pagkakaron, gipahigayon pa ang imbestigasyon sa atong kabomberohan kung unsay hinungdan sa sunog.

Ato usab pasalamatan ang mga fire fighting unit sa APO ERT, BFP-Municipality of San Fernando, BFP-Municipality of Minglanilla, BFP-City of Talisay ug ang atong CDRRMO.

Gi-awhag ang tanan nga magbinantayon kanunay ug magtinabangay batok sa sunog. I-check kanunay kung aduna bay panit ang inyong mga wire sa kuryente ug ilisdi kini dayon, siguraduha nga walay buslot ang hose sa inyong LPG, ug hilabi na, ayaw og gamit ug octopus connection o kanang daghan appliance nga gisaksak sa usa ka outlet.

Para sa mga emerhensiya nga may kalabutan sa sunog, tawag dayon sa BFP-City of Naga Fire Station sa telepono 383 6358/ 316 6313 /489 6056 o sa cellphone no. 0977 802 5217.