Nagpatrolya ug padayon nga gamonitor ang atong CDRRMO personnel sa sitwasyon sa atong mga barangay hilabi na sa kadtong adunay dakong risgo sa pagbaha ug pagdahili sa yuta o bato tungod sa sagunsunson nga mga pag-uwan dala sa Bagyong Dante.

Gipanghimangnoan nila ang mga residente nga magbinantayon kanunay ug dili mokompyansa hilabi na walay hunong ang uwan ug gi-awhag usab nila ang uban nga mohiklin una sa mas luwas nga lugar.

Sa samang higayon, andam usab ug kanunay nga gamonitor sa sitwasyon sa ilang tagsa-tagsa ka mga Barangay ang mga miyembro sa DRRM Committee sa matag barangay.

Kung adunay emerhensiya, sangpit dayon sa inyong Barangay DRRM Committee ug tawag sa atong City DRRM Office nga andam moresponde 24/7 sa mga numero 489-4155, 0916 361 4638 (GLOBE) o 0908 413 7220 (SMART).

Dili mokompyansa ug mangandam kanunay Nagahanon, amping pirme!