Sa regular meeting sa City of Naga Purok Federation (CNPF) nga gipahigayon sa Good Governance Hall, City Hall of Naga karong adlawa, Hunyo 5, gipa-ambit ni City Councilor Justino “Jocie” Dakay ang iyang kasinatian ug best practices sa barangay development pinaagi sa Purok System.

Si Konsehal Jocie miserbisyo isip Punong Barangay sa Uling sa wala pa siya ni serbisyo isip Sangguniang Panlungod (SP) member. Siya karon ang Chairman sa SP Committee on Cooperative Development, Accreditation and People’s Organization, ug sa Committee on Agriculture and Food.

Gi-ila ni Konsehal Jocie nga tungod sa dakong tabang ug aktibong partisipasyon sa mga Purok, nakab-ot ug nasinati karon sa Barangay Uling ang kalampusan sa mga programa ug proyekto sa barangay. Gidasig niya ang mga federation president nga magpadayon sa pagpakabana sa kalambuan sa tagsa-tagsa nila ka barangay.

Atol sa panagtigum, nahisgutang usab sa CNPF ang kabahin sa assistance nga gikinahanglan alang sa vaccination masterlisting, mga pahinumdum sa insaktong paglabay sa basura u gang umaabot nila nga kalihukan sa “Run to Plant on Arbor Day”.

Ang CNPF naglangkob sa 28 ka Barangay Purok Federation Presidents ug mag-tigom matag unang Sabado sa buwan haron tuki-on ang nagkalain-laing issues, concerns, ug best practices sa katuyuan nga makahatag kini og suporta ug tabang pagpatuman sa mga programa, proyekto, ug mga adbokasiya sa City Government.

Padayon Purok Nagahanon!