Gi-turn over ni Mayor Kristine sa 57 ka mga mag-uuma gikan sa Barangay Bairan, Cabungahan, Jaguimit ug Lanas, ang mga farm inputs sama sa Fungicide, Foliar Fertilizer, 25 Kilos nga Muriate ug Potash, 1 ka bag sa Complete ug Urea Fertilizers ug 10 ka bag nga iti sa manok. Gipahigayon ang turn over sa Barangay Bairan Sports Complex gahapon, Hunyo 16.

Ang One Barangay One Crop (OBOC) usa ka pamaagi sa City Government diin mag-focus ang usa ka barangay sa usa ka utanon aron ma-ani ang lain-laing utanon nga gikan sa matag barangay. Makatabang usab kini sa livelihood sa atong mga mag-uuma.

Ang mga mag-uuma sa matag barangay nga nahisgutan, adunay assigned nga utanon diin gihatagan sila og 1 kilo nga liso niini: Bairan – talong; Cabungahan – batong; Jaguimit – kalabasa; ug Lanas – bell pepper. Sunod tuig, atong panghinaut nga mas daghang mag-uuma ug barangay ang makabenipisyo sa programa.

Atol sa turnover, gi-ubanan si Mayor Kristine ni Hon. Justino “Josie” Dakay, Chairperson sa SP Committee on Agriculture.

Alang sa dugang kasayuran, mahimong mo-contact sa Office of the City Agriculturist ug pangita-a si Janeth Sumagang, Agricultural Technologist-HVCDP Coordinator sa numerong 272 6655 local 118.