Subay sa Adopt an Estero and Waterbody Program sa Department of Environment and Natural Resources-Environmental Management Bureau (DENR-EMB), 36 ka mga kompanya ug 17 ka mga Punong Barangay ang niapil sa Pangdan River and City of Naga Coastal Waters Coordination Meeting ganihang buntag, Hunyo 18 sa Volley and Lob Tennis Court.

Ang sunod nga activity mao ang MOA signing ug Action Planning sa Adopt a Water Body/Estero Program for Pangdan River dungan sa 37 companies, Barangays and Puroks, EMB ug ang City Government sa Naga.

Ang City Government mihangyo sa mga kompanya ingon man ang silingan nga mga barangay nga konektado sa Pangdan River nga motabang sa pag-amuma niini.

Subay pa ni Mayor Kristine, kinahanglan magtinabangay ang tanan sa pag-amping sa Pangdan River ingon man ang mga coastal waters sa Naga.

Mipahayag sab si DENR Regional Director, Lormelyn Claudio sa iyang kalipay sa Naga sa walay hunong nga suporta ug pag sunod niini sa mga kalihukan ug programa sa DENR.