Human makompleto ang 16 ka semana nga sessions sa treatment, rehabilitation ug reformation sa Community-Based Drug Rehabilitation Program o CBDRP, 30 ka mga Reformists gikan sa Barangay Pangdan ang ni-graduate sa City of Naga Recovery and Rehabilitation Office (CiNARRO) ug sa Barangay Anti-Drug Abuse Council (BADAC).

Ang graduation ceremony gipahigayon ganihang hapon sa Pangdan Sports Complex inubanan ni City Consultant ug representative ni Mayor Kristine, Dr. Carmelino “Junjie” Cruz, mga opisyales sa Barangay Pangdan nga gipanguluhan ni Punong Barangay Alvin Alinsonorin, PNP City of Naga nga gipanguluhan ni Chief of Police, PLTCOL Nelson Sardin, Philippine Drug Enforcement Agency (PDEA), ang spiritual sector ug DepEd City of Naga Division.

Isip pahalipay sa ilang paglampos, gihatagan ang graduates og 10 ka kilo nga bugas ug grocery packs sa City Government.