Si Mayor Kristine ang personal nga ni-congratulate sa 10 ka Reformists gikan sa Langtad nga nakakompleto sa ilang 16 ka semana nga sessions sa treatment, rehabilitation ug reformation sa Community-Based Drug Rehabilitation Program o CBDRP sa City of Naga Recovery and Rehabilitation Office (CiNARRO) ug sa Barangay Anti-Drug Abuse Council (BADAC).

Gipahigayon ang graduation ganihang hapon sa Langtad Covered Court inubanan ni City Councilor Hon. Charmaine Navarro, SP Chairperson for Committee on Dangerous Drugs Abuse and Prevention, mga opisyales sa Barangay Langtad nga gipanguluhan ni Punong Barangay Fortunato Abangan, PNP City of Naga nga gipanguluhan ni Chief of Police, PLTCOL Nelson Sardin, ang religious sector ug DepEd City of Naga Division.

Isip pahalipay sa mga graduates, gihatagan sila sa City Government og 10 ka kilo nga bugas ug grocery packs.