Subay sa Social Development Project, gi-launch sa City Government ang Zero Open Defacation Program – Toilet For Every Home Project niadtong Hunyo 22. Ipatuman ang maong proyekto sa kooperasyon sa Apo Cement Corporation, KEPCO Power Corporation, ug JL Regner Concrete and Aggregates alang sa mga 4Ps members nga walay pansayan sa panimalay.

40 ka households gikan sa 19 ka mga barangay ang target sa maong program nga gi-base sa evaluation nga gi-facilitate sa DSWD – CityLink, CSWDO ug sa City Sanitary Office.

Sigun pa ni Mayor Kristine, risgo kaayo ang walay tarung nga pansayan tungod mamahimo kining hinungdan sa lain-laing sakit ug maka contaminate o pollute sab kini sa environment.

Atong gila-uman nga sunod tuig, madugangan pa ang atong program beneficiaries.

Madawat sa mga beneficiaries ang mga materyales para sa pansayan sugod Hulyo 2021.

Uban usab ni Mayor Kristine ang mga City Councilors nga sila si Hon. Luzminda Lapitan, SP Chairperson for Public Health and Safety, Hon. Leticia Abangan, Hon. Charmaine Navarro, Ms. Ludelyn Banuya sa DOH ug mga major partners sa nagkada-iyang kompanya nga si Ms. Candice Neri-Regner, President, JL Regner Concrete and Aggregates, Mr. Marlon Ventolan, HR Manager, Apo Cement Corporation, ug si Ms. Judith de Leon, Assistant HR Manager, KEPCO Power Corporation.