Subay sa programa sa Department of Environment and Natural Resources-Environment Management Bureau (DENR-EMB), gipanguluhan ni Mayor Kristine ang Memorandum of Agreement (MOA) signing uban sa 37 ka partner companies para sa Adopt-an-Estero or Water Body Program gahapon, June 25, sa Vision and Leadership Hall, City Hall of Naga.

Sa program, i-grupo ang mga partners ug mga barangay ug bahinon nila ang 19-kilometer stretch sa Pangdan River isip ilang area of responsibility for monitoring, development ug pagpanglimpyo niini.

Gipa-ambit ni Mayor Kristine iyang dakong kalipay sa mga kompanya apil na ang mga barangay nga ni-salmot sa maong program. Nanghinaut si Mayor Kristine nga ma-sustain ang program aron molambo ang estado sa Pangdan River.

Nahinumduman nga niadtong June 18, nagbuhat ang mga partners sa ilang mga action plans para sa Adopt-an-Estero or Water Body Program for Pangdan River kauban ang mga barangay ug mga puroks, ang EMB ug ang City Government.

Nitambong usab sa MOA signing si DENR Regional Director Lormelyn Claudio, City Administrator Engr. Arthur Villamor, Office of the Building Official Flor Mumar, Naga Chamber of Commerce and Industry (NCCI) Inc. President Herbert Camasura ug ang City Environment and Natural Resources (C-ENRO) representatives.