Gitapos sa City of Naga Schools Division ang National Drug Education Program (NDEP) Month Celebration isip parte sa International Day Against Drug Abuse and Illicit Trafficking (IDADAIT) celebration niadtong June 26, sa Vision and Leadership Hall, City Hall of Naga.

Ang NDEP usa sa mga program sa Department of Education nga ang tumong mao ang pag raise og awareness sa mga kabantan-onan batok sa illegal drugs.

Lakip sa NDEP Month Culmination mao ang awarding of winners sa anti-illegal drug awareness activities alang sa mga studyante ug teachers sama sa NDEP Corner, Jingle Contest, Poster Making, Raise Our Flag Contest, Drug Awareness Video, Spoken Poetry, Balak Contest.

Isip representative ni Mayor Kristine, nitambong si City Councilor ug SP Committee Chair on Education Hon. Clint Isidro Chiong diin mipadayag siya nga dakong tabang ang NDEP ug activities niini sa anti-illegal drug campaign sa City Government. Giawhag niya ang Nagahanon youth nga ipadayon ang pagdevelop sa ilang skills ug talents.

Nitambong usab si City Councilor and SP Committee Chair on Dangerous Drugs Abuse and Prevention Hon. Charmaine Navarro, DepEd City of Naga Schools Division Superintendent Dr. Rosalie Pasaol, ug mga representatives sa Cebu Provincial Anti-Drug Abuse Division nga si Ms. Katherine Realista ug Ms. Winjen Martel.

Ang culmination activity gipangulohan sa DepEd City of Naga Division sa tabang sa City Information and Community Relations Department – City of Naga Recovery and Rehabilitation Office (CICRD-CiNARRO).

Congratulations to the winners!