Gi-ablihan karong adlawa ni Mayor Kristine ang 34-bed isolation facility sa Barangay Langtad alang sa mga COVID-19 positive patients nga asymptomatic ug kadtong adunay mild symptoms aron matagaan ug simple, komportable, pribado nga espasyo ang mga pasyente ubos sa pag-atiman ug pagtambal 24/7 sa mga medical personnel ug doktor hangtud nga sila mamaayo ug makabalik na ngadto sa ilang mga pamilya ug panginabuhian.


Kompleto sa mga basic nga panginahanglan sama sa medical oxygen, health monitoring equipment ug mga tambal ang pasilidad.


Ang Ligtas Covid-19 Isolation Facility sa Barangay Langtad dako ug ikatabang aron mas maka-atiman ang City Government sa pagsaka sa mga bag-ong kaso sa COVID-19 dinhi sa atong dapit.


Nag-blessing sa Isolation Facility si Rev. Fr. Romeo “Marco” Vitor. Nitambong usab sila si Dr. Roy Benson Arevalo, Dr. Celestial Lianzon sa City Health Office, EOC/VOC Mayor’s Deputized Representative ug kanhi Konsehal Junjie Cruz ingon man mga department heads nga sila si Rowena Arnoza, Engr. Venox Garcia, Engr. Alpha Alojado, Engr. Ritche Cabigon ug Genevive Laput.
Ang mga pasyente nga adunay mild, o ba kaha moderate to severe symptoms nga naghuwat nga mabalhin sa tertiary hospital alang dugang-kahimanan medical, padayon nga gi-atiman sa 60-bed isolation facility sa Barangay South Poblacion.


Basi sa aktibo nga contact tracing ug COVID-19 Response strategies nga gipatuman sa DOH ug IATF, gi-atiman usab sa city-managed quarantine facilities sa Barangay Colon ug Barangay Langtad ang mga first generation close contacts (fgccs), mga bag-ong discharge gikan sa hospital ug mga PDLs aron ma-monitor ang kahimtang sa ilang panlawas ug matambalan sa labing madali.


Dugang back-up quarantine facilities ang anaa sa Barangay Tina-an ug Inoburan.


IN THE FIGHT AGAINST COVID-19, NO ONE WILL BE LEFT BEHIND… WE WILL HEAL AS ONE…