Kapin 40 ka mga youth leaders apil na ang mga SK Chairpersons sa Naga ang nitambong sa gipahigayon nga #ChangeTheCurrent: Powering Youth Transformation for Ocean Sustainability Forum nga gipahigayon sa Vision and Leadership Hall.
Ang maong forum gipasiugdahan sa United Nations Sustainable Development Solutions Network (UN SDSN) in partnership sa City Government pina-agi sa City Youth Development Office isip kabahin sa ilang awareness campaign alang sa mga kabatan-onan nga mapatas-an ug mapalawman pa ang ilang pagsabot sa kamahinungdanon sa Marine Conservation and Ocean Sustainability apil na ang epekto niini nga makab-ot ang 17 ka United Nation Sustainable Development Goals (SDGs) sa 2030.
Ang UN SDSN, usa ka internasyonal nga non-government organisasyon nga gilusad sa UN Secretary-General aron paghatag ug gahum ug pagpalihok sa sektor sa kabatan-onan nga mahimong aktibo nga mga stakeholders sa pag-champion sa good governance para sa 17 ka Sustainable Development Goals (SDGs) sa UN.
Daghang salamat UN SDSN sa pagpili sa Naga hilabi na sa among mga kabatan-onan isp ka-aabag sa pagkab-ot sa UN SDGs.
