September 1, 2025 opisyal nga gibuksan ni Mayor Val kauban ni Vice Mayor Jing-Jing ug City Council ang ika-18th Charter Day Anniversary Celebration with the theme, “Celebrating Naga, Cebu: A Testament of Progress and Strength. Honoring the Past, Building the Future.”
ย
Ang opening ceremony nga gipahigaon ganihang buntag atol sa flag-raising ceremony gitambongan usab nila ni City Councilors Hon. Clint Isidro Chiong, Hon. Junjie Navales Cruz, Hon. Tet Alinsonorin,Hon. Domir Libor, Hon. Amy Lara, Hon. Elmer John Lapitan, Hon. Ray Manabat Hon. Josie Dakay ug Hon. Letty Abangan. Nitambong usab ang mga department heads ug mga empleyado sa City Government.
Sa iyang opening message, gisubli ni Mayor Val ang iyang panghinaot ug hangyo sa mga empleyado sa LGU nga bisan kinsa ug unsa pa ang gisul-ob sa mga mobisita sa mga opisina sa City Hall, magbarong man o magpurol, kinahanglan matubag ang ilang mga gikinihanglan. Dugang pa ni Mayor Val nga bisan unsa ka gamay ang trabaho sa usa ka empleyado, dako kini og matabang sa Dakbayan sa Naga ug sa mga Nagahanon kung kinasingkasing ang panerbisyo.
ย
Apil usab nga mitambong sa opening ceremony ang mga opisyales ug empleyado sa National Government Agencies ug Uniformed personnel.
Happy 18th Charter Day Anniversary, City of Naga, Cebu!
ย
