Labing menos 40 ka panimalay sa Barangay Lutac, aduna na unyay kuryente pinaagi sa ER 1-94 House Wiring Project Implementation nga gipahigayon sa Lutac Covered Court ganihang buntag.
Ang ER 1-94 House Wiring Project usa ka proyekto sa Department of Energy diin tumong niini ang paghatag og elektrisidad sa mga indigent nga panimalay gamit ang pundo gikan sa mga power-generating companies nga gipaagi sa mga distribution utilities.
Ang proyekto naglakip sa house wiring, service entrance ug meter installation, ug distribution line extensions, pagsiguro sa pagsunod sa mga electrical safety standards.
Sa Naga, ang kontribusyon sa KEPCO SPC Power Corporation maoy gigamit sa pag-abaga sa wiring ug service connections sa mga indigent nga pamilya, ug ang Visayan Electric maoy nagdumala sa pagpatuman sa maong proyekto in coordination sa City Government pinaagi sa Office of the Building Offcial.
Una nang gilusad sa Visayan Electric ang implementation sa ER 1-94 House Wiring Project adtong September 8, 2025 sa Barangay Cabungahan nga adunay 26 ka mga beneficiaries.
Daghang salamat DOE, KEPCO ug Visayan Electric! Dako kini ug ikatabang sa atong mga indigent households nga nagkinahanglan og kuryente sa ilang mga panimalay!
