Ubos sa pagpangulo ni Mayor Val kauban ang City Council, ang City Government sa Naga nagbutang sa edukasyon isip usa sa mga nag-una nga development agenda aron mahatagan og conducive learning environment ug mas maayong kaugmaon ang mga Nagahanon learners.
Sa tuig 2022, natukod ang 2-storey, 4-classroom buildings para sa Cogon ug Lanas Elementary Schools, ug sa Lutac National High School. Samtang sa 2023, gitukod usab ang 2-storey, 4-classroom school building sa Cantao-an, Cabungahan, ug Bairan National High Schools, uban sa dako nga 3-storey, 9-classroom school building para sa Cantao-an Elementary School.
Para sa tuig 2024 ug 2025, ongoing karon ang construction sa 4-storey 12-classrooms para sa Antonio R. Lapiz National High School in Barangay Jaguimit, 3-storey, 6 classroom school building sa Tagjaguimit National High School samtang padayon usab ang construction sa 1-storey, 3-classroom school building para Kindergarten sa Alpaco ug Cantao-an Elementary School.
Ang pagtukod sa mga school buildings base sa priority list o recommendation sa DepEd Schools Division Superintendent.
Sa kinatibuk-an sa tuig 2022-2025, ang City Government nigasto og ₱179,555,000 gikan sa Special Education Fund (SEF) aron matukod ang 11 ka standard ug moderno nga school buildings with 57 classrooms.
Padayon kita magtinabangay para makab-ot ang quality education sa atong mga Nagahanon Learners.
