Gi-inspekyon ganihang ni City Councilor Hon. Junjie Navales Cruz kauban si City Engineer Alpha Alojado ang mga karaan nga World War II (WW II)“dragon’s teeth” anti-tank barriers sa Barangay Mainit nga na-apektohan sa ongoing nga proyekto sa DPWH. Dinha usab atol sa inspeksyon ang representative sa DPWH 1st Engineering District ug mga opisyales sa Barangay Mainit.
Temporaryo una nga gipahunong ang pagtrabaho sa lugar diin nahimutang ang mga anti-tank barriers samtang mo-coordinate usab ang City Government ngadto sa National Historical Commission of the Philippines (NHCP) ug sa DPWH aron maproteksyonan ug mapreserbar ang nahisgutang cultural property.
Base sa history sa maong cultural property, ang ‘dragon’s teeth’ anti-tank barrier gitukod sa USAFFE atol sa WW II isip line of defense batok sa misulong nga Japanese forces. Kining mga sementadong babag nga gitawag og anti-tank fortifications, gipahimutang aron mapugngan o mapahinay ang mga tangke de gira sa mga Hapon.
