Opisyal na nga selyado ang panaghigalaay ug kooperasyon tali sa City of Naga, Cebu ug Susaki City, Kochi Prefecture, Japan pinaagi sa usa ka Partnership Agreement signing.
Gipangunahan ni Mayor Val ug Susaki City Vice Mayor Hon. Kenichiro Umebara ang maong signing nga nagtumong sa Friendly Solidarity & Mutual Cooperation, Cultural Exchange, and promotion sa English Education.
Dako kini ug oportunidad nga mahatag sa mga Nagahanon hilabi na lakip sa maong kasabutan ang recruitment sa mga Nagahanon English Teachers nga ganahang motudlo sa Japan, pinaagi sa tabang sa AchieveGoal Co. Ltd.
Ni-witness sa partnership agreement sila si City Councilor Hon. Junjie Navales Cruz Jr., ang Chair sa SP Committee on Sister-City Relations and Linkages ug si DepEd-Schools Division Superintendent Dr. Ronald Gutay.
Nitambong usab sila si Hon. Amy Lara, Hon. Charmaine Navarro, Hon. Letty Abangan, Hon. Tet Alinsonorin, Hon. Ray Manabat, Hon. Josie Dakay, Assistant Division Superintendent Dr. Leviticus Barazon kauban sila si Susaki City School Education Division, Board of Education Director Kazuaki Morimitsu ug si Project Promotion Office Assistant Manager Kaori Kito.
Isip pag-abi-abi, gidalitan ang atong mga bisita og usa ka cultural ug musical presentations gikan sa atong mga talented students sa City of Naga Integrated Center for Science, Culture, Technology and the Arts (CNICSTCA) ug sa Ukelele Ensemble sa Naga Central Elementary School.
Gibisita usab sa Sasuki delegation ang Museo Naga, Legislative Session Hall, Naga Central Elementary School, Naga National Junior and Senior High Schools ug Professional Academy of the Philippines.
Arigato gozaimasu Susaki City Officials!
