𝗠𝗔𝗟𝗔𝗠𝗣𝗨𝗦𝗢𝗡𝗚 𝗣𝗔𝗡𝗔𝗣𝗢𝗦 𝗦𝗔 𝗡𝗔𝗧𝗜𝗢𝗡𝗔𝗟 𝗪𝗢𝗠𝗘𝗡’𝗦 𝗠𝗢𝗡𝗧𝗛 𝟮𝟬𝟮𝟲

Kadasig ug garbo ang mipatigbabaw kaganinang buntag, Marso 30, 2026, samtang malampusong gipahigayon ang Closing Ceremony sa National Women’s Month Celebration sa City of Naga didto sa East Poblacion Covered Court.

 

Gihatagan og pasidungog sa atong City Government ang mga Highly Functional Barangay VAW and GAD Officers pinaagi sa pagtunol og mga plaques isip pag-ila sa ilang walay puas nga serbisyo ug dedikasyon sa pagpanalipod ug pagpalambo sa katungod sa mga kababayen-an sa atong dakbayan.

 

Ang maong kalihokan gisuportahan ug gitambongan usab sa atong mga City Councilors Hon. Clint Isidro Chiogn nga nihataga ug message of support sa atong mga kababayen-an on behalf ni Mayor Val ug si Hon. Charmaine Navarro isip Chair sa SP Committee on the Welfare of Women and Children, LGBTQ and Gender Sensitivity and Family Relations.

 

Nitambong usab aron sa pagpakita sa ilang suporta sila si Hon. Hon. Tet Alinsonorin, Hon. Letty Abangan, Hon. Amy Lara ug Hon. Josie Dakay.

Sa City of Naga, ang garbo sa babaye, garbo sa tanan, padayon kita sa paglihok alang sa usa ka inklusibo ug progresibong komunidad!