Mabulukong giila ang 80 ka mga taga-Tuyan nga benepisyaryo sa 4Ps nga nakatapos sa programa tungod sa ilang kakugi ug positibong kausaban paingon sa mas hamugaway nga kinabuhi. Mitambong usab ang 154 ka kasamtangan 4Ps isip suporta sa maong okasyon.
Niduyog sa kalipay ug nagtinabangay alang sa kalampusan sa kalihokan sila si Punong Barangay Hon. Luzminda R. Lapitan, mga Kagawad sa Barangay, ug SK Chairperson Dan Rey V. Boaquin kinsa mipaambit sa iyang makatandog ug makapadasig nga testimony sa kinabuhi isip kanhi bata nga ubos sa programa ug usa usab ka beneficiary graduate sa maong programa.
Anaa usab ang mga representante gikan sa Tuyan Elementary ug National High Schools, DOH, ug ang mga kawani sa DSWD-Pantawid nga mao nagpasiugda sa maong kalihokan sa panguna ni Kannex B. Selerio ug Piere John H. Caliao.
Isip pahalipay ug dugang pagdasig, ang Barangay LGU sa Tuyan nanghatag og 5 ka kilo nga bugas sa matag usa ka beneficiary nga ni-graduate na.
Padayon sa mas hamugaway nga kinabuhi beneficiary graduates, so proud of your journey to a better quality of life!
photos from DSWD-Pantawid City of Naga
