𝗣𝗔𝗚𝗦𝗔𝗨𝗟𝗢𝗚 𝗦𝗔 𝗡𝗔𝗧𝗜𝗢𝗡𝗔𝗟 𝗙𝗟𝗔𝗚 𝗗𝗔𝗬𝗦 𝗦𝗔 𝗖𝗜𝗧𝗬 𝗢𝗙 𝗡𝗔𝗚𝗔, 𝗖𝗘𝗕𝗨

Niduyog sa tibuok nasud ang City of Naga sa kasaulogan sa National Flag Days sugod karong adlawa.

Kahibalo ba mo sa kasaysayan niini? Niadtong Marso 6, 1965, giluwatan ang Presidential Proclamation No. 374 nga nagdeklarar sa Mayo 28 isip National Flag Day.

 

 Kini aron handumon ang adlaw niadtong 1898 diin unang giisa ang atong nasodnong bandila human mapildi sa Philippine Revolutionary Army ang mga Katsila sa Battle of Alapan sa Imus, Cavite.

 

Gisundan pa gayod kini sa Executive Order No. 179 niadtong Mayo 23, 1994, nga naglugway sa pagsaulog gikan Mayo 28 hangtod Hunyo 12 (Adlaw sa Kagawasan).

 

Gidasig ang tanang buhatan sa gobyerno, mga patigayon, tunghaan, ug matag panimalay dinhi sa City of Naga sa pagpasundayag ug pag-isa sa atong National Flag sulod niining maong mga petsa.

 

City of Naga, ipakita nato ang atong panaghiusa ug tiunay nga paghigugma sa yutang natawhan, ibandera ang garbo sa pagka-Pilipino!