Gipahigayon ang usa ka makasaysayanong Memorandum of Agreement (MOA) Signing tali sa City Government of Naga, nga girepresentahan ni Mayor Val ug sa Department of Migrant Workers (DMW) Regional Office VII, nga girepresentahan ni Regional Director Jhoaden G. Lucero, CESO IV.
Kini nga kolaborasyon nagpakita sa hiniusang tinguha sa pagpanalipod sa katungod ug kaayohan sa atong mga modern-day heroes, ang mga migrant workers ug ang ilang mga pamilya.
Mitambong usab isip mga saksi sila si City of Naga PESO Manager Joel Andales ug DMW RO VII Assistant Regional Director Atty. Rex Tadena.
Pinaagi niini nga kasabutan, magtinabangay ang City Government of Naga ug DMW-7 sa pagpatuman sa mga mosunod nga programa sama sa Capability Building alang sa atong mga LGU internal ug external stakeholders, Public Information & Worker Education, Establishment of OFW Help Desks ug Anti-Illegal Recruitment & Trafficking in Persons Campaign.
Apil usab sa MOA ang Full-cycle Reintegration Interventions & Support alang sa mga mipauli nga OFW ug ilang pamilya, Pre-employment, Employment, and Livelihood Programs ug Bayanihan One Window Referral and Tracking System nga usa ka digital platform nga mag-streamline ug magpadali sa pag-deliver sa mga serbisyo para sa atong mga OFWs.
Kini usa ka dako nga lakang padulong sa mas hamugaway, luwas, ug masaligan nga serbisyo para sa atong mga Nagahanon OFW.
