Sumala sa report gikan sa DOST-PHIVOLCS, usa ka moderately explosive eruption ang nahitabo sa summit crater sa Kanlaon Volcano karong buntaga, Hulyo 9, 2026, sa may alas-7:33 AM.
Tungod niini, ang pipila ka dapit sa Sugbo, lakip na ang atong dakbayan sa Naga, mahimong makasinati og pag-uwan sa abo o ashfall depende sa direksyon sa hangin.
Aron masiguro ang kaluwasan sa matag pamilyang Nagahanon, ang City Government ubos sa pagdumala sa atong City Disaster Risk Reduction and Management Office (CDRRMO) ug C-ENRO, nagpahinumdom sa tanan sa pagsunod niining mga mosunod nga safety guidelines:
1. 𝗪𝗘𝗔𝗥 𝗔 𝗠𝗔𝗦𝗞: Kung gikinahanglan gayod nga mogawas, magsul-ob og N95 mask o limpyo nga basa nga panapton/surgical mask aron mapanalipdan ang atong pulmon batok sa makahilong partikulo sa abo.
2. 𝗦𝗧𝗔𝗬 𝗜𝗡𝗗𝗢𝗢𝗥𝗦: Kung wala kay importanteng tuyo o trabaho sa gawas, pabilin sulod sa inyong mga panimalay. Siradohi ang mga bintana ug pultahan.
3.𝗔𝗹𝗮𝗻𝗴 𝘀𝗮 𝗥𝗲𝘀𝗽𝗶𝗿𝗮𝘁𝗼𝗿𝘆 𝗛𝗲𝗮𝗹𝘁𝗵: Ang mga Nagahanon nga adunay hubak (asthma), ubo, o uban pang sakit sa baga, gihangyo nga triplehon ang pag-amping. Kung makasinati og kalisod sa pagginhawa, duol dayon sa labing duol nga Barangay Health Center o sa atong City Health Office.
4.𝗣𝗮𝗻𝗮𝗹𝗶𝗽𝗱𝗶 𝗮𝗻𝗴 𝗣𝗮𝗴𝗸𝗮𝗼𝗻 𝘂𝗴 𝗧𝘂𝗯𝗶𝗴: Siguroha nga tabunan og tarong ang mga sudlanan sa pagkaon ug mainom nga tubig aron dili masagolan sa abo.
5.𝗜-𝗹𝗼𝗰𝗸 𝗮𝗻𝗴 𝗩𝗲𝗻𝘁𝗶𝗹𝗮𝘁𝗶𝗼𝗻: Palongon una ang mga electric fan o airconditioning units nga nagkuha og hangin gikan sa gawas aron dili mosulod ang abo sa kwarto.
6.𝗣𝗮𝗿𝗮 𝘀𝗮 𝗺𝗴𝗮 𝗯𝗶𝗻𝘂𝗵𝗶𝗻𝗴 𝗵𝗮𝘆𝗼𝗽: Ipasalipod o isulod sa luwas nga lugar ang inyong mga binuhing mananap ug tabuni ang ilang pagkaon.
Magpabilin kitang mabinantayon ug updated sa mga opisyal nga anunsyo gikan sa City Government of Naga.
Keep safe, mga Nagahanon!