Ang orientation gitambongan sa atong mga Barangay Committees on Health gikan sa nagkalain-laing barangay diin tumong niini ang paghatag og saktong impormasyon bahin sa kamahinungdanon sa bakuna batok sa measles ug rubella alang sa atong mga kabataan.
Apil usab nga gihisgutan sa orientation ang pagpalig-on sa koordinasyon sa matag barangay aron masiguro nga luwas ug hapsay ang pagpahigayon sa immunization campaign sa tibuok siyudad ug pag-awhag sa komunidad nga suportahan ang immunization.
Kini nga inisyatiba nagpamatuod sa lig-on nga paningkamot sa City Government sa pag-atiman ug pag-amping sa panglawas sa matag Nagahanon.
Kuyog kita sa pagluwas og mga kinabuhi ug pagtukod og mas himsog nga komunidad, pabakunahi ang inyong mga anak sa umaabot nga MR-SIA.
