Usa ka makasaysayanong Memorandum of Agreement (MOA) ang gipirmahan sa City Government of Naga nga gipangulohan ni Mayor Val ug sa DepEd City of Naga Schools Division nga gipangulohan ni Schools Division Superintendent Dr. Ronald G. Gutay.
Pinaagi sa gipirmahan nga MOA, pormal na nga i-integrate sa MAPEH curriculum sa mga pampublikong tunghaan sa City of Naga ang tulo ka cultural tradition nga mao ang:
1. Dagitab Festival Dance – ang official cultural festival sa City of Naga nga gisaulog matag December 23. Giila kini isip “Festival of Lights” nga gipartisipahan sa mga contingents gikan sa public ug private secondary schools sa Naga.
2. Pastores de Naga – usa ka centuries-old nga tradisyon sa dance, song, ug poetry nga nagpakita sa usa ka unique ug artistic nga paghulagway sa Nativity Story o ang pagtawo ni Jesu-Kristo dinhi sa Naga. Nagagikan kini sa Spanish missionary tradition nga Los Pastores de Belen nga napreserbar sa pila na ka henerasyon, ug opisyal nga giila nga usa ka Cebuano folk dance sa Philippine Folk Dance Society niadtong ilang 2011 National Workshop.
3. Ang Pagkabanhaw: Sugat sa Naga – usa ka tinuig nga ka live re-enactment nga nagpakita sa pagdaog sa Nabanhaw nga Jesu-Kristo. Kini ang pormal nga nagtapos sa 40-day observance sa Lenten Season, ug nagsilbi nga usa ka importanteng religious, cultural, ug community tradition sa Dakbayan, nga may kaugalingong bersyon sama sa gipagawas sa pagdakop ni Hesus.
Nagsilbing witness sa maong pagpinirmahay sa MOA sila si City Tourism and Heritage Development Officer Ruth Bandola-Alensonorin, DepEd Assistant Schools Division Superintendent Atty. Leviticus Barazon, Jr. ug Education Supervisor for MAPEH Nanette G. Repunte.
Kining maong lakang nagtumong sa pagpalig-on sa atong cultural identity, pagpreserba sa atong heritage, ug paghatag og mas makahuluganon ug localized nga cultural education alang sa atong mga kabataan.
Pinaagi niini, mas masabtan ug mapasigarbo pa sa mga batan-ong Nagahanon ang atong kaugalingong kasaysayan, arte, ug tradisyon.
