𝗥𝗜𝗚𝗛𝗧𝗦 𝗙𝗜𝗥𝗦𝗧, 𝗟𝗘𝗚𝗜𝗦𝗟𝗔𝗧𝗜𝗢𝗡 𝗙𝗢𝗥𝗪𝗔𝗥𝗗

Gi-host sa City of Naga pag, July 23, 2026 ang National Disability Rights Week 1st District Summit nga gipahigayon sa Enan Chiong Activity Center (ECAC) with the theme, “Rights First, Legislation Forward – Strategic Action for Equal Participation and Inclusive Development”

 

Ang maong dako ug makasaysayanong tigom maoy nagsilbing culmination activity sa atong pagsaulog sa National Disability Rights Week (NDR Week) nga gipahigayon gikan Hulyo 17 hangtod 23.

 

Nitambong ang hapit 1,500 ka mga delegado—lakip na ang atong mga Persons with Disabilities (PWDs), PWD Federation Officers, LGU representatives, caregivers, ug partner stakeholders gikan sa unom (6) ka LGUs sa Unang Distrito sa Sugbo.

Gitambongan ang maong kalihokan ni Gov. Pam Baricuatro kauban sila si 1st District Board Members Hon. Neneth Reluya ug Hon. Jojo” D. Bacaltos Jr.

 

Nitambong usab sila si City Councilors Hon. Letty Abangan ang Chair SP Committee on Senior Citizens and Persons With Disability, Hon. Amy Lara, Hon. Charmaine Navarro ug Hon. Junjie Navales Cruz.

 

Isip host city, nagtinguha ang Syudad sa Naga nga mas gipalig-on pa ang panaghiusa, kooperasyon, ug adbokasiya alang sa usa ka mas inklusibo, maabtikon, ug non-discrimatory nga katilingban para sa tanang PWDs.

 

Pinaagi sa atong CSWDO-PDAO, padayon ang atong dakbayan sa pagpatuman og mga balaod, programa, ug serbisyo nga naghatag og katungod, dignidad, ug patas nga oportunidad para sa tanan!

 

Daghang salamat sa tanang nitambong ug nisaksi niining adbokasiya!