Pinaagi sa Proclamation No. 470, s. 2023, ang City of Naga pinangulohan sa City Environment and Natural Resources Office (C-ENRO) niduyog sa tibuok nasod sa pagsaulog sa International Coastal Clean-up (ICC) Day 2026 sa gipahigayon nga coastal clean-up pag September 19, 2026 sa Oceanside, South Poblacion.
Nisalmot sa pagpanglimpyo sa kabaybayon ang mga empleyado sa City Government of Naga, National Government Agencies, Uniformed Personnel, Barangay Officials, Purok officers and members, Private Companies and businesses ug mga People Organizations sa Naga.
Importante kaayo ang pagpanalipod sa atong mga baybayon, sapa, ug kadagatan kay kini maoy tinubdan sa panginabuhian ug naghatag ug balanse sa atong ekolohiya.
Ang pagpanlimpyo dili lang basta pagpunit og basura kundili usa kini ka direktang lakang aron mapugngan ang plastic pollution sa kadagatan ug mapalig-on ang atong panaghiusa isip mga tigpanalipod sa kinaiyahan.
Matag usa nato adunay dakong matabang, Nagahanon. Magtinabangay ta aron magpabiling limpyo ang atong palibot sukad sa kabukiran hangtod sa kadagatan!
