𝗣𝗔𝗡𝗚𝗔𝗕𝗨𝗛𝗜𝗔𝗡𝗚 𝗢𝗣𝗢𝗥𝗧𝗨𝗡𝗜𝗗𝗔𝗗 𝗔𝗟𝗔𝗡𝗚 𝗦𝗔 𝗔𝗧𝗢𝗡𝗚 𝗠𝗚𝗔 𝗠𝗔𝗚-𝗨𝗨𝗠𝗔 𝗨𝗚 𝗠𝗔𝗡𝗚𝗜𝗡𝗚𝗜𝗦𝗗𝗔

Malampuson nga gipahigayon ang Orientation on Livelihood Assistance para sa atong mga Nagahanong mag-uuma ug mangingisda karong adlawa sa Good Governance Hall, City Hall of Naga.

 

Kini gidisenyo pinaagi sa pagpaningkamot sa Department of Labor and Employment (DOLE-7) sa pakigtambayayong sa atong Public Employment Service Office (PESO) ug Office of the City Agriculturist.

 

Dako ang kalipay sa 70 ka mga mag-uuma ug mangingisda nga naglakip sa maong oryentasyon tungod kay gitun-an ug gitudloan sila sa sakto nga pag-gama ug Project Proposals para sa ilang mga gihandum nga proyekto sa kapunongan.

 

Pinaagi sa mga ingon ani nga inisyatibo, padayon natong gipalig-on ang pundasyon sa panginabuhian sa atong agricultural sector.