Nipahigayon sa ilang 1st regular meeting para sa tuig 2025 ganihang buntag ang City of Naga Purok Federation (CNPF) nga gilangkuban sa mga Purok Federation Presidents sa 28 ka barangays sa Naga.
Gihisgutan sa maong meeting ang implementation sa Aling Tindera Program – Purok Edition waste to cash program nga unang gilusad sa Barangay Lutac, ang padayon nga thematic clean-up activity matag Sabado, status sa Purok 2nd Round Evaluation ug ang nadugang nga mekanismo niini, ug ang Purok Action Plan 2025.
Ang meeting gipangunahan ni City of Naga Purok System Task Force Overall In-charge Ruth Bandola-Alensonorin ug gitambongan ni City Councilor Hon. Junjie Cruz Jr. Gipaambit ni Kons Junjie sa CNPF kabahin sa mga kalambuan sa mga programa ug proyekto ilawom sa mga committees sa Sangguniang Panlungsod nga iyang gipangunahan. Nitambong usab ang uban Punong Barangay ug mga Purok Coordinator sa maong meeting.
Padayon Purok Nagahanon, Mabuhi ka Naga!
