Gisugdan na sa personnel sa Office of the City Agriculturist ang AgrikaBarangayan diin mobisita sila sa mga barangay aron makahatag ug mahinungdanon nga impormasyon sa atong mga mag-uuma ug mangingisda kabahin sa crops, livestock ug fishery insurance.
Ang AgrikaBarangayan usa ka inisyatibo sa City Government pina-agi sa Office of the City Agriculturist diin tumong niini nga mapalapdan ang pagsabot sa atong mga mag-uuma ug mangingisda sa mga insurance options nga pwede nila ma-avail para sa ilang pananom, kahayopan ug pagpangisda aron makatabang kanila sa pagpanalipod sa ilang panginabuhian.
Para sa schedule sa AgrikaBarangayan, palihug coordinate sa inyong mga tagsa-tagsa ka Farmers/Fishery Association o sa inyong barangay.
Padayon Naga!
photo by: Office of the City Agriculturist
