Ubos sa direktiba ni Mayor Val, nipahigayon ang City Government pina-agi sa City Information and Community Relations Department (CICRD) og barangay visits para sa verification and confirmation sa mga Punong Barangay sa City of Naga Household Data. Ang barangay visits gipangulohan ni CICRD Head/Purok System Focal Person Ruth Bandola-Alensonorin kuyog ang mga Purok Mentors.
Ang City of Naga Household Data, as of December 31, 2024, gikan sa gipahigayon nga survey nga gigamitan og Global Positioning System (GPS). Ang survey gihimo adtong Hunyo 2023 hangtod Disyembre 2024 aron masuta ang aktwal nga gidaghanon sa mga pamilya ug households sa Naga.
Lakip sa gihisgutan sa barangay visits mao ang mga pamaagi ug mga giya sa beripikasyon ug kumpirmasyon.
Katuyuan sa maong household survey nga makuha ang comprehensive data sa mga pamilya ug households sa Naga aron mas mapalambo, malungtaron ug tukma ang mga himoon nga plano, polisiya, ug programa sa City Government alang sa mga Nagahanon.
