Nagpahigayon ang Philippine Health Insurance Corporation (PHIC) Regional Office 7 og Konsulta Caravan para sa mga Nagahanong Solo Parents ganihang buntag sa Enan Chiong Activity Center isip kabahin sa ilang Information, Education and Communication Campaign sa ilang programang Philhealth Konsulta Package.
Dul-an sa 400 ka mga Solo Parents ang nakapahimulos sa Membership Registration, Member Data Amendment, Konsulta Registration apil na ang health screening ug assessment, laboratory exams ug mga tambal alang sa piniling mga sakit nga gitanyag sa maong caravan in partnership sa City Government pina-agi sa Vicente Mendiola Center for Health (VMCH), VMCH-Infirmary ug City Social Welfare and Development Office (CSWDO).
Ang PhilHealth Konsulta usa ka benepisyo sa primary care benefit package nga naghatag sa mga Pilipino og access sa mga konsultasyon, pagsusi sa risgo sa panglawas, pinili nga mga laboratoryo ug diagnostic nga mga eksaminasyon, ug mga tambal.
Nihatag og mensahe on behalf ni Mayor Val si City Administrator Engr. Arthur S. Villamor diin gipasalamatan niya ang PhilHealth Regional Office VII sa pagpahigayon ug Konsulta Caravan sa Naga ug gi-awhag usab niya ang mga mitambong nga pahimuslan ang higayon nga maka-avail sa mga serbisyo sa maong caravan.
Nitambong usab sa Konsulta Caravan sila si City Councilors Hon. Junjie Navales Cruz, Hon. Charmaine Navarro, Hon. Justino Dakay ug Hon. Letty Abangan.
Para sa dugang impormasyon kabahin sa PhilHealth Konsulta Package, mahimong mobisita sa VMCH nga mao ang accredited primary care facility sa Konsulta Package dinhi sa Naga.
Avail na sa PhilHealth Konsulta Package Nagahanons!
