Unang adlaw sa 2-day Solid Waste Management Deputization Training nga gipahigayon sa Enan Chiong Activity Center. Ang deputization gipasi-ugdahan sa City Environment and Natural Resources Office – Solid Waste Management Office (CENRO-SWMO).
Ang deputization training gisalmotan sa mga Barangay Kagawad nga in charge sa Solid Waste Management sa matag Barangay, Sangguniang Kabataan Chairpersons, 507 Purok Presidents ug mga Barangay Tanod.
Sila ang mahimong force multipliers ug augmentation personnel sa City Government sa pagpatuman sa mga programa sa Solid Waste Management ubos sa pagdumala sa C-ENRO.
Gitambongan usab ni Mayor Val ang maong training diin gipasalamatan niya ang mga nisalmot sa pagsuporta sa mga programa sa City Government ug nipasalig nga naninguha usab siya nga ang iyang mga nabuhat mabati sa tanang Nagahanon.
Nihatag usab ug welcome message si City Administrator Engr. Arthur Villamor nga mao usab ang designated City Environment and Natural Resources Officer.
Apil sa mga resource speakers sa maong training sila si City of Naga Purok Focal System Overall Incharge ug SWM Secretariat Ruth Rowena Alensonorin ug mga representatives gikan sa Environmental Management Bureau (EMB) 7.
Padayon ta alang sa mas limpyo ug hapsay nga Naga!
