City of Naga Heritage Olympics Year 2 nga gisalmotan sa mga empleyado sa LGU, National Government Agencies ug mga Sangguniang Kabataan Officials.

Ang maong kalihokan nga gipasiugdahan sa City Tourism and Heritage Development Office (THDO) gipahigayon ganihang buntag sa St. Francis of Assisi Ocean Park isip usa sa mga activities sa City of Naga Family Cum National Heritage Month.

 

Gisugdan ang Heritage Olympics sa usa ka Family Fun Run ug nisunod ang pagpahigayon sa mga traditional Filipino games diin nibalik sa ilang pagkabata ang mga nisalmot sa ilang pagduwa sa shatong, bato’lata, tadlas-tadlas, takyan, basagang palayok, sungka ug dakop-dakop baktin.

 

Nihatag og opening message on behalf ni Mayor Val ang bag-ong re-elected City Councilor Hon. Junjie Cruz nga mao usab ang nag-gunstart sa Fun Run.

 

Tumong sa Heritage Olympics nga mas mapalambo ug mapalig-on ang relasyon sa mga empleyado isip usa ka pamilya ug sa kamahinungdanon sa mga tradisyonal nga duwa sa atong heritage o kabilin kay kini nagpreserba sa atong kultural nga identidad, nagsumpay sa mga henerasyon, ug nagpakita sa mga mithi ug kasaysayan isip Pilipino.

 

Daghang salamat sa tanang nisalmot hinaot na lingaw kamo ug nakat-on!