Nipahigayon og commemoration ceremony ang City Government of Naga ganihang buntag isip pagduyog sa tibuok nasud sa kasaulogan sa ika-127 nga Anibersaryo sa Deklarasyon sa Kagawasan sa Pilipinas.
ย
Ang commemoration nga gipasiugdahan ni Mayor Val kauban ang mga City Councilors gipahigayon sa atubangan sa Legislative Building ug Museo Naga diin gisugdan kini sa Flag-raising Ceremony nga gisundan sa usa ka hamubo nga program ug wreath-laying ug flower offering sa dako nga Philippine Flag.
ย
Nihatag ug welcome message si City Councilor Hon. Elmer John Lapitan on behalf ni Vice Mayor Jing-jing Chiong ug sa City Council samtang nagbalik-saysay sa kasaysayan si City Councilor Hon. Junjie Navales Cruz diin iyang gipa-ambit ang kontribusyon sa mga lokal nga mga bayani sama ni Leon Kilat ug Gen. Arcadio Maxilom sa pagkab-ot sa kagawasan.
ย
Sa iyang mensahe, gipahinumdoman ni Mayor Val ang tanan nga ang pag-commerorate sa Anibersaryo sa Deklarasyon sa Kagawasan sa Pilipinas naghatag og kahigayonan natong tanan nga mamalandong pag-ayo kon diin kita gikan, unsa ang atong gibuhat karon, ug asa kita paingon isip usa ka katawhan, ug isip usa ka komunidad.
ย
Sa iyang panapos nga mensahe, gipasalamatan ni Mayor Val ang mga Nagahanon sa paghatag kaniya ug bag-ong mandato nga mangalagad ug padayon nga pagtuo sa iyang liderato nga maminaw, molihok ug modapig sa katawhan.
ย
Gitambongan usab ang commemoration ceremony nila ni City Councilors Hon. Josie Dakay, Hon. Domer Libor, Hon. Ray Manabat, Hon. Letty Abangan, Hon. Amy Lara kauban ang mga Punong Barangays ug SK Chairpersons pinangulohan ni SK Federation President Faith James Servano.
ย
Apil usab sa nitambong ang mga uniformed personnel sa PNP-City of Naga, BJMP-Naga, PCG-Naga Sub-station, BFP-City of Naga led by their respective heads, Senior Citizens Federation, Veterans Federation of the Philippines – Naga Chapter, representatives sa mga National Government Agencies ug private companies, DepEd City of Naga Schools Division led by SDS Dr. Ronald Gutay, City of Naga Purok Federation Presidents, PTA Federation Officers, ug mga city department ug section heads sa City Government led by City Administrator Engr. Arthur Villamor.
ย
Gawas sa commemoration, gisaulog usab sa Naga ang ika-196th Founding Anniversary sa Archdiocesan Shrine and Parish of St. Francis Of Assisi ug ang ika-182th anniversary sa Naga sa pagkahimo niini nga Pueblo o Town gikan sa pagka-sitio panahon sa mga Kastila.
ย
