Ang City Government, pinaagi sa City Social Welfare and Development Office (CSWDO), niduyog sa tibuok nasud sa pag-obserbar sa National Disability Rights Week sa tema, “Innovation for Inclusion: Building Inclusive Communities Together.”

Usa ka programa alang sa mga Nagahanong Persons with Disabilities (PWDs) ang gipahigayon karong adlawa sa Enan Chiong Activity Center isip kabahin sa kasaulogan diin gitambongan kini ni Mayor Val kauban sila si City Councilors Hon. Letty Abangan, Chair sa SP Committee on the Welfare of Senior Citizens Persons with Disability ug Hon. Charmaine Navarro, Vice Chair sa samang committee nga nihatag og madasigon nga mensahe sa mga participants ug nipasalig nga padayon ang pagsuporta sa atong mga PWDs.

 

Ang mga highlights sa programa naglakip sa paghatag og assistive devices aron matabangan ang mga PWD sa ilang pang-adlaw-adlaw nga kalihokan, ang Ms. National Disability Rights (NDR) Advocate 2025 Pageant, ug ang PWD Got Talent, diin ang mga representante gikan sa pito ka clustered barangays nagpasundayag sa ilang talento.

 

Ang tumong sa kasaulogan mao ang paghatag og dakong importansya sa mga PWDs ug pagsiguro nga mahatagan sila og equal access ug oportunidad sa edukasyon, trabaho, pasilidad, healthcare services, ug uban pang mga panginahanglanon.